Í 1965 fór Kemilux undir at framleiða sápu. Høvuðsendamálið var at
nøkta reingerðartørvin hjá teimum ymisku kundunum.

 

Sum dømi um eitt sera væl dámt evni, sum Kemilux hevur ment, kunnu
vit nevna Rustloysaran til viðlíkahald uttandura. Rustplettir og málaðar
flatur kunnu viðgerast og spulast við vatni. Hettar hevur víst seg at vera
sera gott og vælumtókt hjá skipum, har viðlíkahaldið av skipinum gerst
munandi lættari.

 

Kemilux hevur góðar royndir við at framleiða S1-Extra, sum er gott til alt
gravskitið. S1-Extra er sera munadygt at vaska við umborð á skipum,
oljuboripallum og líknandi, heilt frá maskinrúminum og upp á brúnna.

Eisini hava vit víðariment hesa vøru soleiðis, at vit kunnu gera eina eins
góða sápu, sum livir upp til øll tey krøv, ið eru til sápur innan matvøru-
íðna. Hettar hevur ført við sær, at vit ídag eisini framleiða S2-Extra, sum
er góðkend sápa til allar framleiðslumaskinur sum nýttar vera til mat-
vøruframleiðslu.